اسلام آباد (نمائندہ خصوصی)پاکستان نے کابل میں گوردوارہ پر دہشت گردانہ حملے کی شدید مذمت کرتے ہوئے کہاہے کہ مذہبی مقامات کو نشانہ بنانے والی دہشت گردی کی یہ کارروائیاں سراسر نفرت انگیز ہیں ۔ ترجمان دفتر خارجہ نے اپنے بیان میں کہاکہ دہشت گردانہ حملے کے نتیجے میں قیمتی جانیں ضائع ہوئیں اور متعدد افراد زخمی ہوئے جبکہ املاک کو نقصان پہنچا۔ترجمان دفتر خارجہ نے کہاکہ پاکستان کو افغانستان میں عبادت گاہوں پر دہشت گردانہ حملوں کے حالیہ سلسلے پر شدید تشویش ہے۔انہوںنے کہاکہ مذہبی مقامات کو نشانہ بنانے والی دہشت گردی کی یہ کارروائیاں سراسر نفرت انگیز ہیں۔
ترجمان دفتر خارجہ نے کہاکہ پاکستان ہر قسم کی دہشت گردی کی مذمت کا اعادہ کرتا ہے۔ ترجمان دفتر خارجہ نے کہاکہ ہم افغانستان کے عوام کے ساتھ بھرپور یکجہتی کا اظہار کرتے ہیں،دہشت گردی سے لڑنے اور اپنے تمام شہریوں کے تحفظ کو یقینی بنانے کے لیے افغان حکام کی تمام کوششوں کی حمایت کرتے ہیں۔
