اسکردو (نمائندہ خصوصی )گلگت بلتستان کے ضلع اسکردو میں دیوسائی روڈ پر سیاحوں کی گاڑی کھائی میں گرنے سے 5 افراد جاں بحق ہو گئے۔ایس ایس پی اسکردو نے دیوسائی روڈ پر سیاحوں کی گاڑی کھائی میں گرنے کی تصدیق کی ہے۔اسکردو پولیس کے مطابق حادثے میں جاں بحق ہونے والوں میں 3 مرد، ایک خاتون اور ایک بچہ شامل ہے۔اسکردو پولیس نے بتایا کہ گاڑی کا ڈرائیور حادثے میں محفوظ رہا،2 افراد زخمی ہوئے ہیں۔لاشوں اور زخمیوں کو مقامی اسپتال منتقل کیا گیا ۔
