کراچی( نمائندہ خصوصی) گزشتہ روز کورنگی میں این اے 240 میں ضمنی الیکشن کے دوران ہنگامہ آرائی میں ملوث شر پسند عناصر کی گرفتاری عمل میں لائی جا رہی ہے۔ترجمان کراچی پولیس کے مطابق گزشتہ روز کورنگی میں این اے 240 میں ضمنی الیکشن کے دوران ہنگامہ آرائی میں ملوث شر پسند عناصر کی گرفتاری عمل میں لائی جا رہی ہے۔انہوں نے کہا کہ حلقہ این اے 240 کے دو تھانوں لانڈھی اور کورنگی میں ہنگامہ آرائی اور فائرنگ کے 4 مقدمات جن میں دو الیکشن کمیشن(بشمول دہشتگردی کی دفعات)اور دو مقدمات زریعہ سرکار دہشتگردی سمیت دیگر فعات کے تحت درج کیے گئے۔
ترجمان کراچی پولیس نے بتایاکہ کراچی پولیس کیجانب سے شہر کے مختلف علاقوں سے الیکشن کے دوران کشیدگی اور ہنگامہ آئی میں ملوث 258 مشکوک افراد کو حراست میں لیا گیا، حراست میں لئے گئے چند سکیورٹی گارڈز کو جو موقع پر موجود تھے اور جنہیں سی سی ٹی وی فوٹیج کے ذریعے شناخت کیا گیا کو گرفتار کر لیا گیا۔ترجمان کراچی پولیس کے مطابق واقعے میں ملوث دیگر ملزمان کی شناخت اور گرفتاری کا عمل جاری ہے، کراچی پولیس کی جانب سے کارروائی کا سلسلہ ضمنی الیکشن کے دوران ہنگامہ آرائی اور فائرنگ کے واقعات میں ملوث تمام افراد کی گرفتاری تک جاری رہے گا۔
