کراچی (نمائندہ خصوصی )پاکستان پیپلزپارٹی کے رہنما سینیٹر رضا ربانی نے مطالبہ کیا ہے کہ حکومت سندھ کو کے الیکٹرک بورڈ میں نمائندگی دی جائے، وفاق اور کے الیکٹرک کے مابین نیا معاہدہ دستخط سے پہلے سندھ حکومت سے شیئر کیا جائے، عوام اس معاہدے کے سب سے بڑے اسٹیک ہولڈر ہیں۔تفصیلات کے مطابق سینیٹر رضا ربانی کی جانب سے مطالبہ سامنے آیا ہے کہ حکومت سندھ کو کے الیکٹرک بورڈ میں نمائندگی دی جائے، وفاق اور کےالیکٹرک کے درمیان نیا معاہدہ دستخط سے پہلے سندھ حکومت کے ساتھ شیئر کیا جائے، سندھ کے عوام اس معاہدے کے سب سے بڑے اسٹیک ہولڈر ہیں۔انھوں نے کہا کہ تمام صوبوں کو بھی نیپرا بورڈ کا ممبر بنایا جائے، ٹرانسمیشن کمپنیوں سے متعلق معاملات مشترکہ مفادات کونسل میں پیش کیے جائیں، پاکستان میں تمام ٹرانسمیشن کمپنیاں پاور ڈویژن، وفاقی حکومت اور نیپرا کے ماتحت ہیں، نیپرا یا ٹرانسمیشن کمپنیوں کے بورڈ میں کسی بھی صوبے کی کوئی نمائندگی نہیں ہے۔رضا ربانی کا کہنا تھا کہ کے الیکٹرک طویل لوڈ شیڈنگ کا ذمہ دار ہے جب کہ ادارہ بقایاجات کی بڑی رقم کا دعوی بھی کر رہا ہے۔
