کراچی میں پارہ 37، شدت 42 ڈگری محسوس کی گئی

کراچی(نمائندہ خصوصی)ملک کا سب سے بڑا شہر کراچی آج شدید گرم اور مرطوب موسم کی لپیٹ میں ہے۔محکمہ موسمیات کے مطابق شہرِ قائد میں پارہ 37 ڈگری سینٹی گریڈ پر آ گیا ہے تاہم درجہ حرارت کی شدت 42 ڈگری سینٹی گریڈ محسوس کی جا رہی ہے۔محکمہ موسمیات نے بتایا ہے کہ کراچی کی ہوا میں نمی کا تناسب 42 فیصد ریکارڈ ہوا ہے۔محکمہ موسمیات نے مزید بتایا ہے کہ نمی زائد ہونے کے باعث درجہ حرارت کی شدت زیادہ محسوس کی جا رہی ہے۔محکمہ موسمیات کا یہ بھی کہنا ہے کہ کراچی میں جنوب مغرب کی سمت سے چلنے والی سمندری ہواوں کی رفتار 14 کلو میٹر فی گھنٹہ ہے۔