اسلام آباد (نمائندہ خصوصی )بینظیر انکم سپورٹ پروگرام کے وظائف کی ادائیگی پیر سے دوبارہ شروع ہوگئی ۔ ترجمان بی آئی ایس پی کے مطابق بینظیر انکم سپورٹ پروگرام کے وظائف کی ادائیگی جو کہ شدید گرمی کی وجہ سے دو دن معطل رہی وہ آج 26 جون بروز پیر صبح سے دوبارہ شروع ہو رہی ہے- ترجمان بی آئی ایس پی کے مطابق ان وظائف کی ادائیگیان 26 جون سے 28 جون تک جاری رہینگی۔ ترجمان کے مطابق یہ ادائیگیان عید الاضحی کی چھٹیوں کے دوران بند رہین گی جو کہ 3 جولائی سے دوبارہ شروع ہون گی-ترجمان بی آئی ایس پی کے مطابق یہ وظائف ملک بھر مین 90 لاکھ گھرانوں مین 9000 ہزار روپے فی گھرانہ سہ ماہی بنیاد پر دئے جا رہے ہیں- ترجمان بی آئی ایس پی کے مطابق بینظیر تعلیمی وظائف کے لئے رجسٹرڈ بچوں کی ماﺅں کو بھی ساتھ ہی ادائیگیاںکی جا رہی ہیں- ترجمان کے مطابق 19 جون سے اب تک 29 لاکھ 34 ھزار سے زائد گھرانوں میں تقریباً 26ارب روپے کی رقم تقسیم کی جاچکی ہے۔ ترجمان بی آئی ایس پی کے مطابق وفاقی وزیر و چیئرپرسن محترمہ شازیہ مری کی ھدایات کے تحت ان وظائف کی شفاف ادائیگی کے لئے مانیٹرنگ ٹیمیں بھی کام کر رہی ہین-ترجمان بی آئی ایس پی کے مطابق شکایت کی صورت میں فوری طور پر بی آئی ایس پی کی ٹول فری ہیلپ لائن 26477-0800 پر اطلاع کریں – ترجمان بی آئی ایس پی کے مطابق بی آئی ایس پی کی جانب سے تمام پیغامات صرف اور صرف 8171 سے بھیجے جاتے ہیں۔
