کراچی(نمائندہ خصوصی )سندھ اسمبلی کے بجٹ سیشن میں 168میں سے 50فیصد ارکان نے پانچویں سال بھی خاموشی اختیار کئے رکھی۔پیپلز پارٹی کے 99 میں سے 48 ارکان نے حکومت کے بجٹ پر خاموشی اختیار کی جبکہ تحریکِ انصاف کے 28 میں سے 26 ارکان سندھ اسمبلی ہی نہیں آئے اور صرف 2 ارکان نے بجٹ پر بحث میں حصہ لیا۔ایم کیو ایم کے 21 میں سے 20 ارکان بجٹ سیشن میں شریک ہوئے۔سندھ اسمبلی کے بجٹ سیشن میں پیپلز پارٹی کے 99 میں سے 50 ارکان نے 16 گھنٹے 36 منٹ تقاریر کیں۔اس وقت میں ساڑھے 7 گھنٹے بجٹ کے بجائے سیاسی گفتگو کی گئی اور اس حوالے سے وزرا کی تقاریر پی ٹی آئی، 9 مئی اور الیکشن کے نتائج پر مشتمل تھی۔وزیرِ اعلی سندھ مراد علی شاہ نے بھی 1 گھنٹہ 42 منٹ تقریر کی۔سندھ اسمبلی میں 19 ارکان نے 7 گھنٹے 19منٹ مجموعی طور پر تقاریر کیں، ایم کیوایم کے سینئر رکن خواجہ اظہار نے 45 منٹ کی تقریر کی جبکہ جی ڈی اے کے 14 میں سے 6 ارکان نے 1 گھنٹہ 56 منٹ تقاریر کیں۔جی ڈی اے کی نصرت سحر اجلاس میں غیر حاضر رہیں جبکہ شہر یار مہر نے تقریر نہیں کی۔
سندھ اسمبلی کے بجٹ سیشن میں 50 فیصد ارکان پانچویں سال بھی خاموش رہے
جواب دیں
ہماری ویب سائٹ پر تازہ ترین خبریں حاصل کریں۔
