لاہور ( نمائندہ خصوصی ) کاﺅنٹر ٹیررازم ڈیپارٹمنٹ ( سی ٹی ڈی ) نے دہشت گردی کے خدشات کے پیش نظر انٹیلی جنس بیسڈ آپریشن کے دوران 9دہشت گرد گرفتار کر لیے۔ ترجمان سی ٹی ڈی کے مطابق دہشت گردوں کی گرفتاری فیصل آباد، گوجرنوالام بہاولپور، ڈی جی خان اور ملتان سے عمل میں لائی گئی،دہشت گردوں کا تعلق ٹی ٹی پی اور القاعدہ سے ہے جن سے بارودی مواد ، ڈیٹونیٹر ،2 فیوز ، نقدی 152800برآمد ہوئے ۔ دہشت گردوں کی شناحت نوید خان، خرم ، غلام حسین، غلام عباس، اویس، محمد سیف، حسین، اسماعیل اور اخوان کے نام سی ہوئی ۔دہشت گردوں کے خلاف 7 مقدمات درج کرکے مزید تفتیش جاری ہے ۔ حکام کے مطابق رواں ہفتے153 کومبنگ آپریشنز کے دوران 08 مشتبہ افراد گرفتار کیے ، کومبنگ آپریشنز میں 7751افراد سے پوچھ کچھ کی گئی ۔ حکام نے کہا کہ سی ٹی ڈی محفوظ پنجاب کے ہدف پر عمل پیرا ہے ، دہشت گردی کے ناسور کو جڑ سے اکھاڑ پھینکنے کے لیے پرعزم ہیں ۔
