اسلام آباد(نمائندہ خصوصی)وزیر مملکت اور ترجمان پیپلزپارٹی فیصل کریم کنڈی نے کہاہے کہ سراج الحق کی پریس کانفرنس جماعت اسلامی کی غیر جمہوری سوچ کو بے نقاب کر رہی ہے۔ فیصل کریم کنڈی نے سراج الحق کی پریس کانفرنس پر ردعمل دیتے ہوئے کہاکہ سراج الحق کس اخلاقی بنیاد پر کراچی کی میئر شپ کا حق جتا رہے ہیں،کراچی کے عوام نے جماعت اسلامی کے جھوٹے خوابوں کو مسترد کیا ہے۔وزیرمملکت نے کہاکہ سراج الحق صاحب مشرف ایل ایف او کو آئین سے نتھی کرنے میں جماعت اسلامی کا اہم کردار تھا، پی ٹی آئی فارورڈ گروپ نے عمران خان کو نہیں مانا حافظ نعیم کس کھیت کی مولی ہے ۔ترجمان پیپلزپارٹی نے کہاکہ ایک آمر نے عبدالستار افغانی دوسرے آمر نے نعمت اللہ کو کراچی پر مسلط کیا تھا، کراچی کے عوام جمہوری آزادی حاصل کر چکے ہیں ،مرتضیٰ وہاب کا میئر کراچی منتخب ہونا اس کی واضع دلیل ہے ۔فیصل کریم کنڈی نے کہاکہ غنڈہ گردی، دھونس دھمکی سے ہم نہ پہلے ڈرے ہیں نہ اب ڈریں گے ۔فیصل کریم کنڈی نے کہاکہ چیئرمین پیپلزپارٹی بلاول بھٹو زرداری انتخابات جیت کر وزیراعظم منتخب ہونگے ،انشااللہ۔
کراچی عوام نے جماعت اسلامی کے جھوٹے خوابوں کو مسترد کیا ، فیصل کریم
سراج الحق کی پریس کانفرنس جماعت اسلامی کی غیر جمہوری سوچ کو بے نقاب کر رہی ہے
جواب دیں
ہماری ویب سائٹ پر تازہ ترین خبریں حاصل کریں۔
