بارکھان ( نمائندہ خصوصی) بلوچستان کے ضلع بارکھان میں ہن ندی کے قریب دھماکا،2 افراد ہلاک
لیویز حکام کی جانب سے دھماکے کی تصدیق کی گئی
بلوچستان کے ضلع بارکھان میں ہن ندی کے قریب ایک دھماکے میں کم از کم دو افراد ہلاک ہو گئے۔منگل کی صبح لیویزحکام نے تصدیق کرتے ہوئے بتایا کہ بلوچستان کے ضلع بارکھان میں دھماکا ہوا ہے۔ریسکیو حکام کی جانب سے لاشوں کو مردہ خانے جبکہ زخمی افراد کو ہسپتال منتقل کردیا گیا، جبکہ پولیس اور سکیورٹی ٹیم نے علاقے کو گھیرے میں لے لیا۔
