کندھ کوٹ، ٹرک الٹنے سے 3 بچوں سمیت 4 افراد جاں بحق

کندھ کوٹ (نمائندہ خصوصی)کندھ کوٹ میں ساقی موڑ کے مقام پر ٹرک 2 رکشوں پر الٹ گیا، حادثے میں 3 بچوں سمیت 4 افراد جاں بحق ہو گئے۔پولیس کے مطابق ٹرک کے ملبے سے 3 بچوں سمیت 4 افراد کی لاشیں نکال لی گئی ہیں۔ریسکیو حکام کے مطابق ٹرک کے نیچے پھنسے 6 زخمیوں کو نکال کر ہسپتال منتقل کیا گیا ہے۔ڈپٹی کمشنر منوہر کے مطابق لاشوں اور زخمیوں کو سول اسپتال منتقل کر دیا گیا ہے، لاشوں کی شناخت عبداللّٰہ، رشیداں، بشیراں کے ناموں سے ہوئی ہے۔انہوں نے کہا کہ جاں بحق ہونے والے تمام افراد آپس میں رشتے دار تھے۔انہوںنے کہاکہ ملبے تلے مزید افراد کی موجودگی کی اطلاع پر امدادی کارروائی جاری ہے۔