کراچی(نمائندہ خصوصی) پیپلزپارٹی شعبہ خواتین کی مرکزی صدر و رکنِ سندھ اسمبلی فریال تالپور سے میئر کراچی کے لیئے پارٹی کے نامزد امیدوار مرتضی وہاب نے زرداری ہاﺅس کراچی میں ملاقات کی،اس موقع پر مرتضی وہاب نے فریال تالپور کوگلدستہ پیش کیا۔مرتضی وہاب نے میئر کراچی کے عہدے کے لیے پارٹی کی جانب سے نامزد ہونے پر قیادت کا شکریہ ادا کیا۔مرتضی وہاب نے صدر آصف علی زرداری اور چیئرمین بلاول بھٹو زرداری اور فریال تالپور کا شکریہ ادا کیا۔اس موقع پرفریال تالپور نے مرتضی وہاب کو میئر کراچی کے عہدے کے لیے امیدوار نامزد ہونے پر مبارک باد پیش کی، نیک خواہشات کا اظہار اور دعائیں دیں۔انہوں نے کہاکہ مرتضی وہاب کی قیادت میں بلدیاتی ادارے حقیقی معنوں میں شہرِ قائد کے عوام کی بلاامتیاز خدمت کریں گے۔مرتضی وہاب ایک نظریاتی اور جفاکش جیالا ہے، میٹروپولیٹن سٹی کو ترقی کی نئی بلندیوں پر لے جائیں گے۔یقین ہے، مرتضیٰ وہاب نئی ذمہ داریاں احسن انداز سے نبھائیں گے اور اہلیانِ کراچی کے دل جیتیں گے۔
