لاہور (نمائندہ خصوصی) محکمہ انسداد دہشت گردی (سی ٹی ڈی) نے پنجاب کے مختلف علاقوں سے 6 دہشت گرد گرفتار کرکے بارود اور خودکش جیکٹس برآمد کرلیں۔سی ٹی ڈی حکام کے مطابق پنجاب کے مختلف علاقوں میں کارروائیاں کی گئیں۔ انٹیلی جنس بیسڈ آپریشن لاہور، راولپنڈی، ڈی جی خان، ساہیوال اور گوجرانوالا میں کیا گیا۔حکام کے مطابق سی ٹی ڈی نے لاہور سمیت پنجاب کے دیگر اضلاع میں کارروائی کرتے ہوئے 6دہشت گرد گرفتار کرلیے، گرفتار دہشت گردوں سے بارودی مواد، خودکش جیکٹس اور اسلحہ بھی برآمد کر لیا گیا ہے۔سی ٹی ڈی حکام نے مزید بتایا کہ مختلف شہروں میں کی جانے والی کارروائیوں میں گرفتار دہشت گردوں کا تعلق مختلف کالعدم تنظیموں سے ہے جنہیں مزید تفتیش کے لئے نامعلوم مقام پر منتقل کر دیا گیا ۔
