لاہور ( نمائندہ خصوصی )
کشمیری حریت رہنما یاسین ملک کی اہلیہ مشعال ملک نے کہا ہے کہ یاسین ملک نے کشمیریوں کی آزادی کا علم اٹھایا ، اپنی ساری خوشیاں کشمیر پر قربان کر دیں ، جیل میں ان پر بدترین تشدد کیا جارہا ہے لیکن یاسین ملک کے حوصلے بلند ہیں۔مشعال ملک نے لاہور پریس کلب میں ایک پریس کانفرنس میں کہا کہ یہ زندگی کشمیریوں کی جنگ کے لیے بہت چھوٹی چیز ہے ، اگر جیل میں یاسین ملک کو کچھ ہوا تو اس کا ذمہ دار مودی حکومت ہو گی۔ اُنہوں نے کہاکہ بھارتی حکومت کشمیریوں کے خون کی پیاسی ہے۔ اُنہوں نے کہا کہ کشمیریوں کے کئی شہیدوں کی میتیں ان کے ورثاء کو نہیں ملیں ، یاسین ملک اس صدی کا مجاہد ہے ، دس لاکھ انڈین آرمی کا مقابلہ کر رہا ہے۔ مشعال ملک کا مزید کہنا تھا کہ یاسین ملک کو سول رائٹس نہیں مل رہے ، اُنہیں ان کے شوہر سے ملنے کی اجازت دی جائے۔
