پیٹرز برگ /اسلام آباد ( نمائندہ خصوصی)
پاکستان کے برآمدات کنندگان کے لئے روس سے سمندری تجارت کی بڑی سہولت کا آغاز ہوگیا۔ روس کی بندر گاہ سینٹ پیٹرز برگ سے پہلا روسی کارگو جہاز براہ راست 25 مئی کو کراچی پورٹ پہنچے گا۔براہ راست سمندری سروس شروع ہونے سے روس سے کارگو صرف 18 دن میں پاکستان کی بندر گاہ پہنچ جائے گا۔ پہلے روس سے آنے والے جہاز کو ایک مہینہ لگتا تھا اب 18 دن میں پہنچے گا۔ دوسرا جہاز 29 مئی کو پاکستان کراچی پورٹ پہنچے گا۔پاکستان روس کو 150 ملین کی ایکسپورٹ جبکہ 300 ملین کی امپورٹ کرتا ہے۔ پاکستان سے روس کو تجارت 2.50 ارب ڈالر تک بڑھنے کی گنجائش ہے۔
سی ای او پاک شاہین عبداللہ فرخ کے مطابق ملکی تاریخ میں پہلی بار روس کے ساتھ سمندری راستے سے براہ راست کارگو سروس کا آغاز ہو اہے، پاکستان روس کے ساتھ سمندری خوراک اور دیگر سیکٹر میں بھی تجارت بڑھا سکتا ہے۔انہوں نے کہا کہ خطے میں ٹرانس شپمنٹ تجارت کے تحت اس سروس سے پاکستان کو زرمبادلہ کا فائدہ ہوسکتا ہے ابتدائی طور پر مہینے میں ایک اور بعد میں ماہانہ 3 جہاز براہ راست روس سے پاکستان آئیں گے روس کے ساتھ تجارت بڑھنے سے مزید تجارتی کمپنیاں بھی پاکستان آئیں گی روس سے سمندری تجارت سے خطے کے ممالک بھارت چین اور افرہقی ممالک کا ٹرانس شپمنٹ کے تحت کارگو آرہا یے مستقبل میں چین سمیت دیگر ممالک کے لیے بھی ٹرانسشپمنٹ کا اضافہ ہوگا۔
