کراچی (نمائندہ خصوصی) پیپلز پارٹی نے سابق ایڈمنسٹریٹر کراچی مرتضی وہاب کو میئر کراچی بنانے کا فیصلہ کیا ہے۔میئر کراچی کے لئے پیپلز پارٹی نے آصف زرداری، فریال تالپور، بلاول بھٹو اور سینئر رہنماوں سے مشاورت مکمل کرلی۔پیپلز پارٹی کے چیئرمین اور وفاقی وزیر بلاول بھٹو نے مرتضی وہاب کو میئر کراچی کیلئے پی پی کے امیدوار کی منظوری دیدی ہے۔کراچی کے 25 ٹانز میں چیئرمین کے امیدواروں کے نام بھی فائنل کرلیے گئے ہیں، پرویز دودا بلدیہ، ہمایوں محمد خان ماڑی پور ٹاون چیئر مین جبکہ سلمان عبداللہ مراد گڈاپ ٹاون کیلئے چیئرمین کے امیدوار ہونگے۔اس کے علاوہ پیپلز پارٹی نے حیدرآباد میئر کے لیے کاشف شورو کے نام کی منظوری دی ہے۔
