کراچی ( کرائم رپورٹر) ایڈیشنل آئی جی کراچی جاوید عالم اوڈھو پولیس مقابلے میں زخمی کانسٹیبل عاطف شاہ کی عیادت کیلئے آغا خان اسپتال پہنچ گئے۔کراچی پولیس چیف نے زخمی اہلکار کو پھولوں کا گلدستہ پیش کیا ٓور جلد صحت یابی کی دعا کی۔پولیس کانسٹیبل عاطف شاہ منگل کے روز کالا بورڈ یونیورسٹی روڈ کے مقام پر پولیس مقابلے کے دوران ملزمان کی فائرنگ سے زخمی ہوا تھا جسے فوری طور پر طبی امداد کیلئے آغا خان اسپتال منتقل کیا گیا تھا۔پولیس چیف نے علاج کے حوالے سے ڈاکٹرز سے تفصیلات معلوم کیں اور اہلکار کے اہل خانہ کو پولیس کی جانب سے مکمل تعاون کی یقین دہانی کرائی۔
