گوادر( نمائندہ خصوصی ) جامعہ گوادر کے وائس چانسلر پروفیسر ڈاکٹر عبدالرزاق صابر نے پاک چائنا ٹیکنیکل اینڈ ووکیشنل انسٹیٹیوٹ یونیورسٹی آف گوادر کا دورہ کیا اور یونیورسٹی کے زیر اہتمام انسٹیٹوٹ میں میری ٹائم افیئر و پورٹ منیجمنٹ، انفارمیشن ٹیکنالوجی، ای کامرس اور ہوٹل منیجمنٹ کے ایک سالہ ڈپلومہ کورسز کے کلاسوں کا باقاعدہ افتتاح کیا۔
اس موقع پر رجسٹرار جامعہ گوادر دولت خان اور دیگر سٹاف ممبران بھی وائس چانسلر کے ہمراہ تھے اس موقع کے پر انہوں نے نئے داخلہ لینے والے طلباء و طالبات سے خطاب کرتے ہوئےکہا کہ پاک چائنا ٹیکنیکل اینڈ ووکیشنل انسٹیٹیوٹ کے کورسز کی اہمیت ، دائرہ کار ،مستقبل قریب میں سی پیک اور گوادر کے ساتھ ان کی مطابقت کے بارے میں تفصیلی روشنی ڈالی انہوں نے گوادر پورٹ اتھارٹی کے چیئرمین پسند خان بلیدی ، چائنا اوورسیز پورٹ ہولڈینگ کمپنی کے چئیرمین یو بو اور پاک چائنا ٹیکنیکل اینڈ ووکیشنل انسٹیٹیوٹ کے ایگزیکٹو ڈائریکٹر اور جامعہ گوادر کے پرو وائس چانسلر پروفیسر ڈاکٹر سید منظور احمد اور ان کی ٹیم کی کاوشوں کو سراہا ان کا کہنا تھا
ٹیکنیکل انسٹیٹیوٹ میں تعلیم حاصل کرنے کا موقع ملنے والے طلباء کو مبارکباد مستحق ہیں اور کہا کہ ان کی حوصلہ افزائی انتہائی اہمیت کا حامل ھے وہ انسٹیٹیوٹ میں دستیاب سہولیات اور انفراسٹرکچر کو بہترین طریقے سے استعمال کرتے ہوئے اپنی پوری صلاحیتوں کا ادراک کریں۔ انہوں نے طلباء اور طالبات پر زور دیتے ہوئے کہا کہ وہ اپنی صلاحیتوں کو بہترین انداز میں نکھاریں اور اس خطے کے لیے ورسٹائل افراد بنیں انہوں نے کہا کہ پاک چائنا ٹیکنیکل اینڈ ووکیشنل انسٹی ٹیوٹ میں طلبہ کو بہترین تعلیمی ماحول فراہم کرنے کے لیے تمام مطلوبہ سہولیات فراہم کرنے کی کوشش کی جائے گی۔ اس موقع پر رجسٹرار یونیورسٹی آف گوادر دولت خان نے بھی خطاب کیا آخر میں وائس چانسلر یونیورسٹی آف گوادر پروفیسر ڈاکٹر عبدالرزاق صابر نے ڈپلومہ کورسز کی مختلف کلاسز کا بھی دورہ کیا۔ افتتاحی اور انٹرایکٹو سیشن میں انسٹیٹیوٹ کے فیکلٹی ممبران اور نئے داخلہ لینے والے طلباء کی ایک بڑی تعداد نے شرکت کی۔
