کراچی(نمائندہ خصوصی) قائم مقام گورنر سندھ آغا سراج درانی سے دبئی کی معروف کاروباری شخصیت اور Summit Bankکے اسپانسر عبداللہ ناصر لوتھا نے ملاقات کی۔ ملاقات کے موقع پر سمٹ بینک کے بورڈ آف ڈائریکٹر کے رکن سلمان فاضلی اور سی ای او و صدر جواد ماجد بھی موجود تھے۔ ملاقات میں باہمی تجارت میں اضافہ، صوبہ میں سرمایہ کاری کے مواقعوں، صحت، تعلیم اور دیگر شعبوں میں تعاون اور باہمی دلچسپی کے دیگر امور پر تبادلہ خیال کیا گیا۔ قائم مقام گورنر سندھ نے کہا کہ صوبہ سندھ میں سرمایہ کاری کے سازگار مواقع موجود ہیں۔ آغا سراج خان درانی نے کہا کہ ملک کے معاشی حب کراچی میں صحت، تعلیم اور توانائی کے شعبوں میں سرمایہ کاری کی جاسکتی ہے، انہوں نے مزید کہا کہ سرمایہ کاروں کو ہر ممکن مدد اور تعاون فراہم کریں گے۔ عبداللہ ناصر لوتھا نے کہا کہ صوبہ میں سرمایہ کاری کے مواقعوں سے فائدہ اٹھانا چاہتے ہیں۔ 
قائم مقام گورنر سندھ سے عبداللہ ناصر لوتھا کی ملاقات
جواب دیں
ہماری ویب سائٹ پر تازہ ترین خبریں حاصل کریں۔
