جدہ ۔(مانیٹرنگ ڈیسک ) :سعودی عرب کے شہر جدہ میں منعقدہ کنسرٹ میں ممتاز سعودی شخصیات، میڈیا کے نمائندوں اور ثقافتی شخصیات نے شرکت کی ۔جدہ سیزن 2024 کے ایک حصے کے طور پر ایکوسٹرین کلب میں منعقدہ کنسرٹ میں موسیقی، رقص اور ثقافتی پروگراموں کا متنوع امتزاج پیش کیا گیا اور اس نے ممتاز سعودی شخصیات، میڈیا کے نمائندوں اور ثقافتی
شخصیات نے شرکت کی ہے۔کنسرٹ میں مشہور مقامی اور بین الاقوامی فنکاروں نے اپنی صلاحیتوں کا مظاہرہ کیا جن میں ریپر دبزی، گلوکارہ نکھیتا گاندھی اور سلمان علی جبکہ اداکارہ گوہر خان اور سنگیت ڈانس کریو شامل تھے۔سلمان علی نے اپنی طاقتور آواز سے سامعین کو مسحور کیا اور لوگوں نے ان کو خوب داد دی۔ سلمان علی نے کہا کہ مجھے لوگوں کا جوش بہت پسند آیا جنہوں نے ماحول کو مزید پرجوش بنایا اور میرے ساتھ گانا گایا اور گانوں پر رقص کیا۔ نکھیتا گاندھی، جو اپنے مقبول 
بالی ووڈ ٹریکس کے لیے مشہور ہیں، نے بڑی تعداد میں موجود لوگوں کے لیے پرفارم کرنے پر اپنی خوشی کا اظہار کیا۔انہوں نے کہا کہ موسیقی ہم سب کو اکٹھا کرتی ہے۔میرے ساتھ سب گا رہے تھے اور احساس توانائی بخشتا ہے۔ میزبان اداکارہ گوہر خان نے کہا کہ یہ دیکھ کر دل خوش ہوا کہ موسم اچھا نہ ہونے کے باوجود بہت سارے لوگ بھارتی ثقافت کو منانے کے لیے اکٹھے ہوئے۔ان کے جوش و خروش نے ایونٹ کو واقعی ناقابل فراموش بنا دیا، اور میں اس کا حصہ بننے کے لیے بہت شکر گزار ہوں۔واضح رہے کہ کنسرٹ سات ایشیائی ممالک کی ثقافتوں کا ایک میلہ تھا جن میں پاکستان، بھارت ، بنگلہ دیش، سری لنکا، فلپائن، انڈونیشیا اور نیپال شامل تھے۔
