منیٰ۔(نمائندہ خصوصی ):عازمین حج ،مناسک کی ادائیگی کرتے ہوئے اپنی پیاس بجھانے کے لیے زمزم کا بابرکت پانی پیتے رہے۔ وہ اللہ تعالی کا شکر ادا کرتے رہے۔ مسجدالحرام کے اندر فراہم کی جانے والی یہ خدمات گزشتہ 45 سالوں سے جاری ہیں، آب زمزم دینے کے نظام کی انتظامیہ نے زمزم کے کنویں کی نگرانی کی ، کنوئیں سے کنٹینرز میں ٹھنڈا اور باقاعدہ پانی فراہم کیا اور پانی کے برتنوں کی دیکھ بھال اور صفائی کی ہے۔انتظامیہ پانی کے معیاراور کی صفائی کو بھی یقینی بناتی ہے اور حجاج کو ٹھنڈا
پانی فراہم کرنے کے لیے اس کے درجہ حرارت کی نگرانی کرتی ہے۔ زمزم کے پانی کی پاکیزگی کو برقرار رکھنے اور اسے آلودگی سے پاک رکھنے کے لیے مسجدالحرام اور مسجد نبوی کے امور کی دیکھ بھال کے لیے جنرل اتھارٹی نے پانی کا تجزیہ کرنے اور جراثیم سے پاک کرنے کے لیے ایک لیبارٹری بھی قائم کی ہے۔جراثیم کشی کا عمل کیمیکلز کو شامل کیے بغیر الٹرا وائلٹ شعاعوں کا استعمال کیا جاتا ہے، جس سے بیکٹیریا اور وائرس کے لیے 99.77 فیصد خاتمہ کی شرح حاصل کی جاتی ہے۔ ایک کلو واٹ بجلی 12,000 گیلن پانی کو جراثیم سے پاک کرتی ہے، جب کہ زمزم کے پانی کا رنگ، ذائقہ یا بو تبدیل نہ ہونے کو یقینی بنا کر جراثیم کشی کا طریقہ اختیار کیا جاتا ہے۔
آب زمزم نے مناسک کی ادائیگی کے دوران حاجیوں کی پیاس بجھائی
