بیجنگ( نیٹ نیوز )امریکہ کے دفاعی اہلکاروں کے دورہِ تائیوان پر چین سخت سیخ پا ہو گیا اور کہا دورے سے تعلقات مزید کشیدہ ہوں گے۔
تفصیلات کے مطابق امریکہ کے دفاعی اہلکاروں کے دورہِ تائیوان پر چین نے برہمی کا اظہار کیا۔ترجمان چینی وزارتِ خارجہ کی جانب سے بیان میں کہا گیا کہ پینٹاگون کے اعلی عہدیدار کا دورہ تائیوان سے تعلقات مزید کشیدہ ہوں گے۔ترجمان کا کہنا تھا کہ امریکہ اور تائیوان کے مابین فوجی تعلقات کی سخت سے مخالفت کرتے ہیں، چین، جو تائیوان کو اپنا علاقہ سمجھتا ہے، بارہا مطالبہ کر چکا ہے کہ غیر ملکی حکام جمہوری طور پرچین کے زیر انتظام جزیرے کا دورہ نہ کریں۔چینی وزارتِ خارجہ نے کہا کہ چینی حکومت امریکہ اور تائیوان کے درمیان سرکاری بات چیت اور فوجی تعلقات کی سختی سے مخالف ہے۔
خیال رہے امریکہ اہلکاروں کا یہ دورہ تائیوان ایک ایسے وقت میں ہورہا ہے جب مبینہ جاسوس غبارے کو لے کر واشنگٹن اور بیجنگ کے درمیان تعلقات کشیدہ ہیں۔
