ترکیہ میں زلزلہ ، متاثرہ علاقوں میں اسکول ایک ہفتے تک بند، ہوائی اڈے بھی بند

انقرہ (نیٹ نیوز )ترک نائب صدر نے کہا ہے کہ ملک بھر کے 10 شہروں و صوبوں میں ایسے سکول ایک ہفتے تک بند رہیں گے جو زلزلے سے متاثر ہوئے ہیں۔میڈیا رپورٹ کے مطابق ان شہروں اور صوبوں میں غازی عنتیپ، کہرمان مرعش، ہاتائی، عثمانیہ، آدیامان، مالطیہ، شانلی اورفہ، ادنہ، دیار بکر اور کلس شامل ہیں۔انہوںنے کہاکہ ہاتائی صوبے سے آنے اور جانے والی پروازیں معطل کر دی گئی ہیں ،کہرمان مرعش اور غازی عنتیپ کے ہوائی اڈے بھی عام پروازوں کے لیے بند کر دیئے گئے ۔