بنگلورو(نیٹ نیوز )
بھارتی ریاست کرناٹک کے بنگلورو ائرپورٹ پر چیکنگ کے دوران ایک خاتون کی شرٹ اتر وادی گئی ۔ایک خاتون نے جو موسیقار بتائی جاتی ہے ایک ٹویٹ میں کہا کہ بنگلورو ہوائی اڈے پر سیکیورٹی چیکنگ کے دوران انہیں انکی شرٹ اتارنے کو کہا گیا۔خاتون نے اس واقعے کو انتہائی ذلت آمیز قرار دیتے ہوئے پوچھا کہ بنگلورو ائر پورٹ کو ایک خاتون کو بے لباس کرنے کی ضرورت کیوں پیش آئی۔انہوں نے مزید لکھا کہ کوئی بھی خاتون اس قسم کی توہین نہیں چاہے گی۔
دریں اثناء خاتون کے ٹویت پر بنگلورو ائرپورٹ نے واقعے پر افسوس کا اظہار کرتے ہوئے کہا کہ ایسا نہیں ہونا چاہیے تھا ۔
