نیو یارک (نیٹ نیوز )نیٹ فلکس نے ’دی گرے مین‘کا سیکوئیل بنانے کا اعلان کر دیا۔ میڈیا رپورٹ کے مطابق نیٹ فلکس نے اپنی حال ہی میں ریلیز ہونے والی فلم ’دی گرے مین‘کا سیکوئیل بنانے کا اعلان کیا ہے۔
فلم میں ہالی ووڈ اداکار ریان گوسلنگ نے سی آئی اے ایجنٹ کا کردار ادا کیا ہے جبکہ بالی ووڈ اداکار دھنوش نے بھی چند سینز میں اداکاری کے جوہر دکھائے۔اسٹریمنگ پلیٹ فارم نے اپنی پریس ریلیز میں کہا ہے کہ ’دی گرے مین‘کے لیے شائقین کا ردعمل بہت عمدہ تھا، ہم دنیا بھر میں موجود تمام شائقین کے جذبے کو سراہتے ہیں۔
فلم کے سیکوئیل میں بھی ریان گوسلنگ کو کاسٹ کرنے کا فیصلہ کیا گیا ہے۔
