مالے ( نیوز ڈیسک)ملائیشیا کی عدالت نے غیر قانونی اسلحہ رکھنے پر موساد کے مبینہ رکن اسرائیلی شہری پر فرد جرم عائدکردی۔اسرائیلی شخص پر بغیر لائسنس کے 6 ہینڈگنز کی اسمگلنگ اور گولا بارود رکھنےکا الزام ہے۔فرانسیسی پاسپورٹ پر ملائیشیا آنے والے اسرائیلی شہری کو27 مارچ کو ایک ہوٹل سے گرفتار کیا گیا تھا۔ملائیشین پولیس کا کہنا ہےکہ شبہ ہے کہ اسرائیلی شخص کا موساد سے تعلق ہے۔اسرائیلی میڈیا رپورٹ میں کہا گیا ہےکہ اسرائیلی شخص ایک منظم جرائم کے گروپ کا رکن ہے جو حریف گینگ لیڈر کو نشانہ بنانے کی منصوبہ بندی کر رہا تھا، اس کیس کے سلسلے میں دیگر گرفتاریاں بھی عمل میں آئی ہیں
