نیویارک :پاپ گلوکارہ ٹیلر سوئفٹ کے کروڑوں مالیت کے ٹکٹس چوری اور دوبارہ فروخت کرنے کے الزام میں امریکا کے 2 ہیکرز گرفتار

نیویارک ( نیٹ نیوز)امریکا کے 2 ہیکرز کو پاپ گلوکارہ ٹیلر سوئفٹ کے کروڑوں مالیت کے ہزاروں ٹکٹس چوری کرنے اور پھر انہیں دوبارہ فروخت کرنے کے الزام میں گرفتار کرلیا گیا۔غیر ملکی خبر رساں ادارے کے مطابق کوئنز ڈسٹرکٹ اٹارنی آفس نے 20 سالہ ٹائرون روز اور 31 سالہ شمارا سیمنز کو تقریباً ہزار ٹکٹس کی چوری کے بعد ان کی دوبارہ فروخت کے الزام میں گرفتار کیا ہے۔میڈیا رپورٹس کے مطابق ہیکرز امریکا میں قائم آن لائن ٹکٹ فروش مارکیٹ کیلئے بطور تھرڈ پارٹی کنٹریکٹر کام کررہے تھے، نیویارک استغاثہ کی جانب سے ہیکرز پر الزام لگایا گیا ہے کہ ٹائرون راور شمارا نے ایک آف شور ٹکٹ فروش پلیٹ فارم میں خامی کا فائدہ اٹھاتے ہوئےکانسرٹ کے ہزار ٹکٹس چرا کر انہیں دوبارہ فروخت کردیا۔ٹکٹس کی مالیت 6 لاکھ35 ہزار ڈالر ( تقریباً 16 کروڑ سے زائد پاکستانی روپے ) بنتی ہے جب کہ چوری کیے گئے ٹکٹس میں سے زیادہ تر ٹکٹس پاپ گلوکارہ ٹیلر سوئفٹ کے Eras tour کے ہیں۔میڈیا رپورٹس کے مطابق ہیکرز نے ٹیلر سوئفٹ کے مشہور ایراس ٹور کے علاوہ دیگر ہائی پروفائل ایونٹس کے ٹکٹس بھی چوری کرلیے جن میں عالمی شہرت یافتہ گلوکار ایڈ شیران اور معروف برطانوی گلوکارہ ایڈیل کے کانسرٹ بھی شامل ہیں،