نئی دلی(نیوز ڈیسک):بھارت میں فضائی حادثے معمول بن گئے ہیں۔فضائیہ کا ایک اور طیارہ گر کر تباہ ہوگیاہے۔کشمیرمیڈیاسروس کے مطابق سنگل انجن والا تربیتی طیارہ تکنیکی وجوہات کی بنا پرریاست گجرات کے ضلع مہسانہ کے قریب اچارپی گائوں میں گر کر تباہ ہوا۔بھارتی میڈیا کے مطابق فضائی حادثہ میں خاتون ٹرینی پائلٹ زخمی ہو ئی ہے۔زخمی پائلٹ کو طبی امداد کیلئے اسپتال منتقل کردیا گیا، مہسانہ تعلقہ پولیس سٹیشن کے انسپکٹر ڈی جی بدوا کے مطابق مہسانہ ہوائی اڈے سے ٹیک آف کرنے کے بعد، ایوی ایشن اکیڈمی کا ٹرینر طیارہ اچارپی کے ایک کھیت میں گر کر تباہ ہوا۔واضح رہے کہ بھارت میں طیارے گرنے کا یہ پہلا واقعہ نہیں ہے اس سے قبل بھی اس طرح کے حادثات ہوچکے ہیں، ایک جانب بھارت امریکہ سے ایف 35 طیارے خریدنے کی بات کرتا ہے اور دوسری طرف پہلے سے موجود طیاروں کے حادثات اس کیلئے درد سر بنے ہوئے ہیں ۔ گزشتہ ماہ کی 7 تاریخ کو ایک ہی دن میں دو بھارتی طیارے گر کر تباہ ہوگئے جن میں ایک لڑاکا طیارہ تھا۔