سری نگر(مانٹرنگ ڈیسک )غیرقانونی طورپر بھارت کے زیرِقبضہ جموں کشمیر میں ضلع پونچھ کے علاقے بہروٹ بالاکوٹ میں 
تعینات قابض بھارتی فوج کے ایک اہلکار نے خود کو گولی مار کر خودکشی کر لی۔کشمیر میڈیا سروس کے مطابق خودکشی کرنے والے فوجی اہلکار کی شناخت بھارتی ریاست اتراکھنڈ کے علاقے کافرہ الموڑہ کے رہائشی منیش بشت کے طور پر ہوئی ہے۔ قابض 
حکام نے بتایا کہ منیش نے اپنے سروس ہتھیار سے خود کو گولی مار دی جس کے نتیجے میں اس کی موقع پر ہی موت ہو گئی۔ اُنہوں نے کہا کہ اس سلسلے میں تحقیقات شروع کر دی گئی ہے۔
