نئی دہلی (مانیٹرنگ ڈیسک) بھارت میں کورونا وائرس کے دوبارہ پھیلنے سے 24 گھنٹوں میں وائرس سے 4 افراد ہلاک ہوگئے۔بھارتی میڈیا کے مطابق ملک میں کورونا وائرس کے صرف 24 گھنٹوں میں 752 نئے کیسز رپورٹ ہوئے 
ہیں جو رواں سال 21 مئی کے بعد سے اب تک کے سب سے زیادہ رپورٹ ہونے والے کیسز ہیں۔اس حوالے سے یونین ہیلتھ منسٹری کا بتانا ہےکہ 752 نئے کیسز رپورٹ ہونے کے بعد بھارت میں اب ایکٹو کورونا کیسز کی تعداد 3 ہزار 420 ہوگئی ہے۔میڈیا رپورٹس میں بتایا گیا ہے کہ گزشتہ 24 گھنٹوں میں 4 افراد کورونا وائرس کی وجہ سے موت کے منہ میں جا چکے ہیں جن میں سے 2 کا تعلق ریاست کیرالہ، ایک کا راجستھان اور ایک کا تعلق کرناٹکا سے ہے۔
