نئی دہلی (نمائندہ خصوصی) سعودی ولی عہد محمد بن سلمان جی 20 اجلاس میں شرکت کے لئے نئی دہلی پہنچ گئے۔غیر ملکی میڈیا کے مطابق سعودی وعلی عہد شہزادہ محمد بن سلمان اعلی حکام کے ہمراہ جی 20 اجلاس میں شرکت کے لئے نئی دہلی پہنچ گئے ہیں۔بھارتی وزارت خارجہ کے مطابق سعودی ولی عہد وزیراعظم مودی کی دعوت پر بھارت آئے ہیں اور 11 ستمبر تک یہاں قیام کریں گے۔ اجلاس کے موقع پر محمد بن سلمان اور مودی سرمایہ کاری فورم کی میزبانی کریں گے۔اجلاس میں غریب ممالک کیلئے قرضوں میں ریلیف، موسمیاتی تبدیلی کے خلاف اقدامات، غذائی تحفظ بڑھانے پر بات ہوگی۔سعودی عرب کی امریکا، بھارت اور یو اے ای رہنماوں سے انفرا اسٹرکچر ڈیل کا بھی امکان ہے جس کے تحت خلیجی و عرب ممالک ریلوے اور بندر گاہوں کے ذریعے بھارت سے جڑ سکیں گے۔مودی 15سے زائد عالمی رہنماوں سے سائیڈ لائن ملاقاتیں بھی کریں گے۔نئی دہلی میں اجلاس سے قبل تبتی کمیونٹی نے احتجاج کرتے ہوئے سربراہان کے عشائیے میں کھانا سونے اور چاندی کے برتنوں میں پیش کرنے پرمودی پر کڑی تنقید کی۔
سعودی ولی عہد محمد بن سلمان نئی دہلی پہنچ گئے
امریکا، بھارت،یو اے ای رہنماوں سے انفرا اسٹرکچر ڈیل کا امکان
