میں خود کو ’بوڑھی عورت‘ کی طرح محسوس کرتی ہوں ،انجلینا جولی

لاس اینجلس (مانیٹرنگ ڈیسک ) :ہالی وڈ کی اداکارہ،پروڈیوسر اور ہدایتکارہ انجلینا جولی نے اپنی بڑھتی ہوئی عمر کا اعتراف کرتے ہوئے انکشاف کیا کہ وہ خود کو ’بوڑھی عورت‘ کی طرح محسوس کرتی ہیں ۔ٹیلورائڈ فلم فیسٹیول 2024 میں اوپیرا گلوکارہ ماریا کالاس کی زندگی پر بننے والی اپنی نئی فلم’’ ماریہ ‘‘کی سکریننگ کےموقع پر بات چیت کرتے ہوئے انجلینا جولی نے کہا کہ عمر بڑھنے کے ساتھ ساتھ موسیقی میں ان کا ذوق بھی بدل گیا ہے اور اب وہ فنون لطیفہ کے بارے میں ایک مختلف نقطہ نظر رکھتی ہیں اور اس کے مقابلے میں جب وہ کم عمر تھیں۔اداکارہ نے کہا کہ میں 49 سال کی ہوں۔ میں اب ایک بوڑھی عورت کی طرح محسوس کرتی ہوں اور میں اسے قبول کرتی ہوں ۔آنجہانی اوپیرا گلوکارہ کی زندگی کی جدوجہد بارے بات کرتے ہوئے انجلینا نے کہا کہ ماریہ کالس نے اپنے ‘آرٹ’ کے ذریعے اپنے اندر کے ‘درد’ کا اظہار کیا۔اداکارہ نے مزید کہا کہ زیادہ تر لوگ بہت زیادہ درد برداشت کرتے ہیں اور اس کا اتنا زیادہ فن جذبات کی گہرائی کی کھوج کا تھا جس سے وہ جڑنے میں کامیاب رہی تھیں ۔