فرحان سعید کے نئے گانے خوابیدہ کے کی ز بردست پذیرائی

کراچی (رپورٹ: مرزا افتخار بیگ ) دلکش آواز اورمتعدد ہٹ گانوں کے مقبول ترین فنکار فرحان سعید نے اپنا تازہ ترین سنگل خوابیدہ ریلیز کردیا ہے۔ اس میں ان کے ساتھ مشہور فنکارہ کنزہ ہاشمی جلوہ گرہیں۔ اس کی ہدایات عادل شیخؒ نے دی ہیں جبکہ موسیقی انمول دانیال نے تیارکی ہے اور کمپوزر نرمان نے نغمے کو جذبات اور میلوڈی کا ایسا امتزاج دیا ہے جو پہلی بارہی سننے والوں کے دلوں کو چھولیتا ہے۔بیرون ملک لوکیشنز پر فلمائے گئے اس نغمے کی دھن خوابیدہ کے تاثرکے ساتھ ویژوئلز اورسینماکا دلکش احساس دیتی ہے۔انسٹاگرام پر اس کیریلیزکااعلان کرتے ہوئے فرحان سعید نے خوابید ہ کو "خوابوں جیسی میلوڈی” قرار دیا ہے اور ان کے پرستاروں نے ان کی سرورانگیز آواز اور مسحورکن بیک ڈراپ کے ساتھ اسکرین پر فرحان اور کنزہ کی ہم آہنگی کو بے حد سراہا ہے۔فرحان سعید کئی سالوں سے پاکستان کی میوز ک انڈسٹری کا ایک چمکتا ستارہ ہیں۔ انہوں نے اپنے اس سفر کا آغاز جل کے مین گلوکار کی حیثیت سے کیا اور پھر اپنے سولو کیریئر کے ساتھ تیزی سے کامیابی کی منزلیں طے کیں۔ ان کے چارٹ بسٹرز میں سجنی، رویاں اور تھوڑی دیر شامل ہیں جس کے ساتھ مقبولیت کی بلندیوں پر رواں رہے اور ان کا شمار جنوبی ایشیاء کی پسندیدہ ترین آوازوں میں ہونے لگا۔ ان کی ادائیگی میں جذبات کی گہرائی کے ساتھ خوبصورت دھنوں کے امتزاج نے ان کو دنیا بھر کے پرستاروں کی دل کی دھڑکن بنادیا ہے۔خوابیدہ نے بھی ابتدا ہی سے ہر پلیٹ فارم پر سامعین کو اپنا گرویدہ بنالیاہے جس سے ایک مرتبہ پھر ثابت ہوگیا ہے کہ فرحان اس انڈسٹری کی انتہائی پر اثر شخصیت ہیں۔