اسلام آباد/ بیجنگ (نمائندہ خصوصی)چین کے وزیر خارجہ وانگ یی نے کہا ہے کہ چین پاکستان کے ساتھ مل کر چین پاکستان اقتصادی راہداری ( سی پیک) کی تعمیر میں مزید عملی نتائج حاصل کرنے اور پاکستان کی پائیدار ترقی کی مددکےلئے تیار ہے۔وزیر خارجہ بلاول بھٹو زرداری کے ساتھ ٹیلی فونک بات چیت میں وانگ یی ،جو کمیونسٹ پارٹی آف چائنا (سی پی سی) کی مرکزی کمیٹی کے پولیٹیکل بیورو کے رکن بھی ہیں نے کہا کہ چین اور پاکستان کے درمیان آہنی اور چٹان کی طرح مضبوط دوستی ہر آزمائش میں پورا اتری ہے۔ چینی میڈیا کی رپورٹ کے مطابق چینی وزیر خارجہ نے کہا کہ بین الاقوامی حالات اور پاکستان کے اندرون ملک حالات کیسے بھی بدلیں، چین ہمیشہ کی طرح قومی خودمختاری، آزادی اور علاقائی سالمیت کے دفاع میں پاکستان کی مضبوطی سے حمایت کرے گا اور اتحاد اور استحکام کو برقرار رکھنے، احیا اور ترقی میں پاکستان کی معاونت جاری رہے گی۔ وانگ یی نے کہا کہ ہم نے مل کر بین الاقوامی اور علاقائی معاملات میں ایک بڑا اور زیادہ فعال کردار ادا کرنا ہے۔ بلاول بھٹو زرداری نے اس موقع پر کہا کہ پاک چین دوستی نسل در نسل منتقل ہوتی رہی ہے اور یہ غیر متزلزل ہے۔انہوں نے مزید کہا کہ پاکستان مشکل وقت میں چین کے مختلف تعاون کو سراہتا ہے اور چین کے ساتھ مل کر ایک دوسرے کی حمایت جاری رکھنے، سی پیک کی اپ گریڈنگ کو فروغ دینے، بیلٹ اینڈ روڈ تعاون کے منصوبوں کی تعمیر اور دوطرفہ دوستی کو نئی بلندیوں تک لے جانے کے لیے تیار ہے۔
چین پاکستان کی پائیدار ترقی میں مدد کرےگا،وزیر خارجہ وانگ یی
چین اور پاکستان کے درمیان آہنی اور چٹان کی طرح مضبوط دوستی ہر آزمائش میں پورا اتری ہے، گفتگو
جواب دیں
ہماری ویب سائٹ پر تازہ ترین خبریں حاصل کریں۔
