"ما کان محمد ابا احد من رجالکم و لکن الرسول اللہ و خاتم النبیین” کی حلاوت وہی جانے جسے عقیدہ ختم نبوت کا فہم نصیب ہوا ہو۔۔۔یہ دربار رسالت صلی اللہ علیہ وسلم سے عطا”انمول تحفہ” ہے۔۔۔۔۔ڈاکٹر طاہر مصطفے صاحب بھی ایسے ہی خوش نصیب ہیں۔۔۔ڈاکٹر صاحب سید عطا اللہ شاہ بخاری سے فیض یاب مولانا عبد المجید عارف کے فرزند ارجمند ہیں۔۔۔۔۔۔وہ لاہور کی ایک نجی یونیورسٹی میں شعبہ اسلامی فکر و تہذیب کے رکن رکین اور سیرت چئیر کے ڈائریکٹر ہیں۔۔۔۔۔۔وہ اسمائے رسول صلی 
اللہ علیہ وسلم میں پی ایچ ڈی ہیں۔۔۔۔۔انہیں درس کلام اللہ کے عنوان سے اردو زبان کی تاریخ میں قرآن مجید کے پہلے تفسیری ترجمے کی سعادت بھی ملی ہے۔۔۔۔۔۔۔۔۔۔۔ڈاکٹر طاہر مصطفے نے اپنے ایک ٹی وی پروگرام میں ختم نبوت کی دلنشین تفہیم پیش کی ہے کہ جو بھی سنے جھوم اٹھے۔۔۔۔۔ڈاکٹر صاحب نے فرمایا کہ خاتم انبیین کی تعریف یہ ہے کہ رسول کریم صلی اللہ علیہ وسلم کے بعد کوئی نبی پیدا ہی نہیں ہوگا اور کسی کو نبوت بھی عطا نہیں کی جائے گی۔۔۔۔انہوں نے” ایک مغالطے”کی گتھی سلجھاتے ہوئے کہا کہ حضرت عیسی علیہ السلام بھی رسول کریم صلی اللہ علیہ وسلم سے پہلے پیدا ہوئے اور انہیں نبوت بھی آپ سے پہلے عطا ہوئی۔۔۔۔جب وہ قرب قیامت پر آسمان سے نزول فرمائیں گے تو بطور نبی نہیں بلکہ امت محمدیہ کا رکن بن کر جلوہ افروز ہونگے۔۔۔۔۔اسی طرح معراج کے موقع پر رسول کریم صلی اللہ علیہ وسلم کی اقتدا میں نماز ادا کرنے والےتمام انبیائے کرام علیہم السلام بھی رسول کریم صلی اللہ علیہ وسلم سے پہلے پیدا ہوئے اور انہیں نبوتیں بھی آپ سے پہلے ملیں۔۔۔۔۔۔!!!
