پاکستان سٹاک ایکسچینج میں نیاریکارڈقائم،کے ایس ای 100انڈکس نے 69 پوائنٹس کی نفسیاتی حدعبورکرلی

اسلام آباد۔(نمائندہ خصوصی ):پاکستان سٹاک ایکسچینج میں پیرکوکاروباری ہفتہ کے آغاز پرتیزی کارحجان رہا اورکے ایس ای 100انڈکس میں 1203.20 پوائنٹس(1.76 فیصد) کانمایاں اضافہ ریکارڈکیاگیا جس کے بعد انڈیکس69619.98 پوائنٹس پربندہواجو ایک نیاریکارڈہے۔کاروباری سرگرمیوں کے دوران 33 کروڑ، 58 لاکھ، 25 ہزار36 حصص کالین دین ہوا جن کی مالیت 15.315 ارب روپے سے زیادہ تھی۔گزشتہ کاروباری ہفتہ کے اختتام کے مقابلہ میں انڈیکس میں 7.67 فیصد اورگزشتہ سال کے مقابلہ میں 75.29 فیصدکی نموریکارڈکی گئی۔پی ٹی سی، سرل پاکستان اورڈبلیوٹی ایل سرفہرست کمپنیاں رہیں جن کے بالترتیب 33757114 حصص، 21100371 حصص اور18139129حصص کالین دین ہوا،فرسٹ ٹرائی سٹارمضاربہ، نذیرکاٹن ملز اوردیوان فاروق موٹرز کے حصص میں سے زیادہ اضافہ ہوا، اس کے برعکس امیج پاکستان، پاک ایگرپیکجنگ لیمٹڈاورمیرپورخاص شوگرملز کے حصص میں زیادہ کمی ریکارڈکی گئی۔