کویٹہ(بیورو رپورٹ)بلوچستان کے نومنتخب وزیراعلیٰ سرفراز بگٹی نے عہدے کا حلف اٹھالیا۔نومنتخب وزیراعلیٰ بلوچستان کی حلف برداری کی تقریب گورنر ہاؤس کوئٹہ میں منعقد ہوئی جس میں چیئرمین پی پی پی بلاول بھٹو زرداری، اراکین صوبائی و قومی اسمبلی اور 
مختلف شعبوں سے افراد اور عمائدین شریک ہوئے۔گورنر ملک عبدالولی کاکڑ نے ان سے حلف لیا۔ حلف اٹھانے کے بعد سرفراز بگٹی نے جئے بھٹو کانعرہ لگایا۔ حلف لینے کےبعد گورنر 
بلوچستان ملک عبدالولی کاکڑ نے نومنتخب وزیراعلی کو مبارکباد دی۔ تقریب میں جئے بھٹواورچاروں صوبوں کی زنجیر بے نظیر کے نعرے لگائے جاتے رہے۔دوسری جانب تقریب حلف برداری میں شرکا کیلئے کرسیاں کم پڑ گئیں اور بہت سے شرکا تقریب کے دوران کھڑے رہے۔
کوئٹہ :بلوچستان کے وزیراعلیٰ سرفراز بگٹی نے حلف اٹھالیا، بلاول کی بھی تقریب میں شرکت
تقریب میں جئے بھٹواورچاروں صوبوں کی زنجیر بے نظیر کے نعرے لگائے جاتے رہے:گورنر ملک عبدالولی کاکڑ نے ان سے حلف لیا
