پشاور( بیورو رپورٹ )کور کمانڈر پشاور احسن حضرت حیات نے شمالی وزیرستان کے 50 قیدیوں کی رہائی کا حکم جاری کرتے ہوئے موقع پر 30 قیدی کو رہا کردیا جبکہ دیگر 20 قیدی میرانشاہ میں رہا کئے گئے اتمان زئی کے مشران نے کور کمانڈر پشاور و جی او سی سیون ڈویژن کا شکریہ ادا کیا اس سلسلے میں پشاور میں کمانڈر پشاور کی سربراہی میں اتمان زئی کے مشران نے ملاقات کی ملاقات میں اتمان زئی کے چیف آف شمالی وزیرستان ملک نصر اللہ خان و دیگر بھی شریک تھے اس موقع پر جی او سی میجر جنرل سیون ڈویژن انجم ریاض بھی موجود تھے کور کمانڈر پشاور سے اتمان زئی شمالی وزیرستان کا خوش گوار ماحول میں ملاقات ہوئی مشران نے کور کمانڈر پشاور کو شمالی وزیرستان کے دورہ کی دعوت بھی دی ملاقات کے دوران اس بات پر اتفاق ہوا کہ امن و امان کے قیام کیلئے مل کر لڑیں گے امن و امان کے قیام کا کام صرف افواج پاکستان کا نہیں بلکہ عوام کا بھی تعاون ہونا ضروری ہے عوام کے تعاون کے بغیر قیام امن کا خواب ادھورا ہے کور کمانڈر پشاور نے اتمان زئی کے مشران کو یقین دلایا کہ انشاء اللہ عنقریب شمالی وزیرستان کا دورہ کروں گا اور ان کی درپیش مشکلات کو دور کروں گا اور تمام قبائل سے ملاقات کروں گا انہوں نے کہا کہ میں شمالی وزیرستان کی آواز بنوں گا اور ترقی کیلئے دن رات ایک کروں گا رہا ہونے والے قیدیوں کے ورثاء نے پاک فوج اور سیون ڈویژن کا شکریہ ادا کیا۔