اسلام آباد( نمائندہ خصوصی) وزارت سائنس کی بھنگ پالیسی کے تحت قومی ہیمپ اور بھنگ اتھارٹی بنے گی ۔ میڈیا رپورٹ کے مطابق اتھارٹی سرمایہ کاروں کو صنعتی ہیمپ اور بھنگ کا لائنس جاری کرے گی ۔ دستاویز کے مطابق بھنگ کی کاشت کیلئے لائنس پندرہ سال کیلئے جاری کیا جائے گا ، اتھارٹی کے بورڈ آف گورننس میں چھ وزاتوں صوبائی چیف سیکرٹریز کی نمائندگی ہوگی، بھنگ کی خریداری بیچ کی درآمد کاشت کاری ٹرانسپورٹیشن پر انسداد منشیات فورس کی کڑی نگرانی ہوگی۔ دستاویز کے مطابق بھنگ کی کاشت مینوفیکچرنگ پودے لگانے کے معیار کے سیکیورٹی پروٹوکولز بھی انسداد منشیات ڈویڑن دیکھے گی ۔ دستاویز کے مطابق انسداد منشیات فورس سرمایہ کاروں کے متعارف کردہ بیج کا آڈٹ کرے گی ۔
دستاویز کے مطابق اتھارٹی اور اے این ایف کی ٹیمیں مشترکہ طور پر لائنس ہولڈرز کی فیلڈ کا معائنہ کرے گی ۔ دستاویز کے مطابق وزارت خوراک کا پلانٹ پروٹیکشن بھنگ کے بیج کی درآمد یا برآمد کا این او سی جاری کرے گا، فیڈرل سیڈ رجسٹریشن ادارہ بھنگ درآمد یا مقامی بیچ کی رجسٹریشن کا سرٹیفیکٹ جاری کرے گا ۔ دستاویز کے مطابق ڈریپ بھنگ کی اشیا کی مارکیٹنگ مینوفیکچرنگ کا رجسٹریشن کا این او سی جاری کرے گی ، وزارت کامرس بھنگ کی درآمد کا خصوصی پرمٹ جاری کرے گی ۔ دستاویز کے مطابق بھنگ اتھارٹی پانچ قسم کے لائسنس جاری کرے گی ، لائنس ہولڈربھنگ کی خریداری بیجوں کی درآمد اور کاشت کرنے کا مجاز ہو گا ،لائنس ہولڈر کو دس ایکٹر زمین رکھنا ہوگی