لاڑکانہ(بیورو رپورٹ) وزیراعلیٰ سندھ سید مراد علی شاہ تیسری مرتبہ وزیراعلیٰ سندھ کا منصب سنبھالنے کے بعد گڑھی خدا بخش بھٹو پہنچے جہاں انہوں نے نو منتخب رکن سندھ اسمبلی سہیل انور سیال، مکیش چاولہ، پی پی پی ضلع لاڑکانہ کے صدر خورشید جونیجو اور دیگر کے ہمراہ شہید محترمہ بینظیر بھٹو، شہید ذولفقار علی بھٹو، بیگم نصرت بھٹو، شہید مرتضیٰ بھٹو اور شہید شاہنواز بھٹو کے مزارات پر حاضری دے کر پھول چڑھائے اور دعا کی، بعد ازاں میڈیا سے گفتگو کرتے ہوئے وزیراعلیٰ سندھ سید مراد علی شاہ میں آج اپنے شہید قائدیں کی حاضری دینے آیا ہوں، شہیدوں کی قربانی کی وجہ سے پاکستان پیپلز پارٹی نے سب سے زیادہ ووٹ حاصل کئے ہیں، انہوں نے کہا کہ سندھ کی عوام نے جو پیپلز پارٹی اور مجھے عزت دی ہے میری کوشش ہوگی ان کی امیدوں کی تکمیل کروں، ہمارے خلاف وہ تیظیمیں احتجاج کر رہی ہیں جن کو پولنگ ایجنٹ بھی نہیں مل رہے تھے، انہوں نے کہا کہ آج میں نے امن امان سے متعلق اہم اجلاس کیا ہے، ہم جلد اسٹریٹ کرمنلز اور کچے کے ڈاکوں کردیں گے، ہم نے پہلے بھی کام کر کے دکھایا ہے اور اب بھی عوام کی خدمت کرینگے، انہوں نے کہا کہ سیلاب متاثرین کے علاوہ تمام بےگھر لوگوں کیلئے گھروں کا بندوبست کرینگے، ہم نے ہمیشہ عوام کی خدمت کی ہے اور کام کر کے دکھایا ہےاور دوسروں نے صرف اعلانات کئے ہیں، انہوں نے کہا کہ ہم نے سندھ میں انفراسٹرکچر اور ترقیاتی کام کیے ہیں جس سے سندھ میں بہتری آئی ہے، انہوں نے کہا کہ آصف علی زرداری مارچ کے مہینے میں صدر مملکت کا حلف اٹھاکر گڑھی خدابخش آئیں گے، انہوں نے کہا کہ ہم وفاقی حکومت کی کابینہ میں شامل نہیں ہوں گے لیکن وفاق میں ان کا ساتھ دیں گے، وفاقی حکومت کو سندھ کے عوام کو زیادہ سے زیادہ ریلیف دینا ہوگا۔