ایس ایل 9 : پشاور زلمی نے کنگ بابر کی سنچری کے اسلام آباد یونائٹڈ کو شکست دیدی

لاہور (اسپورٹس ڈیسک)پی ایس ایل 9 کے اور بہترین میچ میں پشاور زلمی نے کنگ بابر کی سنچری کےاسلام آباد یونائٹڈ کو شکست دیدی پشاور زلمی کےعارف یعقوب کے ایک اوور نے بازی پلٹ دی۔اوراسلام آباد یونائٹڈ جیتا ہوا میچ ہار گئی جبکہ کنگ
بابر اعظم نے 59 گیندوں پر اپنے پی ایس ایل کیریئر کی دوسری جبکہ ٹی ٹونٹی کرکٹ کی 11ویں سنچری مکمل کی۔زلمی کے کپتان 111رن بناکر ناقابل شکست رہے، بابراعظم کی 63 گیندوں پر مشتمل اننگ میں 2 چھکے اور 14چوکے شامل تھے۔ان کے علاوہ صائم ایوب نے 38 اور پال والٹر نے19 رن بنائے، آصف علی 17 رن بنا کر ناٹ آؤٹ رہے۔ اسلام آباد یونائیٹڈ کی جانب سے شاداب خان نے 2، آغا سلمان اور نسیم شاہ نے ایک ایک وکٹ حاصل کی۔ مطلوبہ ہدف کے تعاقب میں اسلام آباد یونائیٹڈ کی بیٹنگ شروع میں مشکلات کا شکار رہی۔اوپنر جورڈن کاکس 13، شاداب خان چھ اور سلمان آغاز 14رنز بنا کر آوٹ ہو گئے۔اس کے بعد کولن منرو اور اعظم خان نے دھواں دار بلے بازی کی اور اسلام آباد کی جیت کا امکان روشن ہو گیا۔اعظم خان 75اور کولن منرو 71 سکور بنا کر آوٹ ہوئے ۔ ان کے بعد اسلام آباد کو جیت کے لیے دو اوورز میںؒ 21 رنز درکار تھا لیکن پھر حیدر علی صفر ، فہیم اشرف1، عماد وسیم 1، حنین شاہ صفر رنز پر عارف یعقوب کے ایک اوور میں آوٹ ہوئے۔ پشاور زلمی کی جانب سے عارف یعقوب نے پانچ وکٹیں حاصل کیں۔یاد رہے کہ رواں ٹورنامنٹ میں پشاور زلمی اپنے 4 میچز اور اسلام آباد یونائیٹڈ 3 میچز کھیل چکی ہے۔ پشاور زلمی کو دو میچز میں شکست اور دو میں فتح حاصل ہوئی جبکہ اسلام آباد یونائیٹڈ صرف ایک میچ جیتنے میں کامیاب ہوسکی اور دو میں اسے ناکامی کا سامنا کرنا پڑا۔پوائنٹس ٹیبل پر پشاور زلمی 4 پوائنٹس کے ساتھ چوتھے اور اسلام آباد یونائیٹڈ 2 پوائنٹس کے ساتھ پانچویں نمبر پر ہے۔پشاور زلمی کی ٹیم صائم ایوب، بابر اعظم (کپتان)، محمد حارث (وکٹ کیپر)، حسیب اللہ خان، روومین پاول، آصف علی، پال والٹر، لیوک ووڈ، نوین الحق، عارف یعقوب، سلمان ارشاد پر مشتمل ہے جب کہ اسلام آباد یونائیٹڈ کی ٹیم میں حیدر علی، کولن منرو، سلمان علی آغا، شاداب خان (کپتان)، اعظم خان (وکٹ کیپر)، جورڈن کاکس، عماد وسیم، فہیم اشرف، نسیم شاہ، حنین شاہ، تیمل ملز شامل تھے