اسلام آباد ( مانئٹر نگ ڈی)پُرامن احتجاج بنیادی حق، تشدد پر قانون اپنا راستہ اپنائے گا، انوار الحق کاکڑ
نگراں وزیراعظم انوار الحق کاکڑ نے کہا ہے کہ پُرامن احتجاج اور اجتماع بنیادی حقوق ہیں، انتشار پھیلانے والوں سے قانون کے مطابق نمٹا جائے گا۔ایک بیان میں نگراں وزیراعظم نے کہا کہ کسی قسم کے تشدد یا اُکسانے والوں کو معاف نہیں کیا جائے گا، تشدد کرنے والوں کے خلاف قانون اپنا راستہ اختیار کرے گا۔انہوں نے کہا کہ انتشار پھیلانے والوں سے قانون کے مطابق نمٹا جائے گا، عدالتیں اور انتظامیہ سب کو انصاف فراہم کرنے کےلیے تیار ہیں۔انوارالحق کاکڑ نے مزید کہا کہ پُرامن احتجاج اور اجتماع بنیادی حقوق ہیں، پاکستان کی مقننہ اور عدلیہ غیر جانبدارانہ انصاف کی فراہمی کےلیے متحرک ہیں۔
اُن کا کہنا تھا کہ انتخابی بےضابطگیوں پر متعلقہ فورمز پر قانونی چارہ جوئی کی جائے، پُرتشدد احتجاج سے امن و امان کے سنگین چیلنجز پیدا ہوتے ہیں۔
نگراں وزیراعظم نے یہ بھی کہا کہ انتشار کے ذریعے ملک دشمن قوتیں اپنے ایجنڈے کو آگے بڑھانے کے درپے رہتی ہیں۔انہوں نے کہا کہ انتخابی بےضابطگیوں کے خدشات کا اظہار کرنے والوں کی حوصلہ افزائی کرتے ہیں، بےضابطگیوں پر متعلقہ فورمز پر قانونی چارہ جوئی کی جائے۔انوار الحق کاکڑ نے کہا کہ پاکستان کی قانون سازی، عدالتیں، انتظامی شاخیں لچک دار ہیں، ملک میں عام انتخابات جمہوریت کے فروغ کےلیے ایک قدم ہے۔اُن کا کہنا تھا کہ الیکشن میں نمایاں ٹرن آؤٹ کو بین الاقوامی سطح پر تسلیم کیا گیا، سیاسی جماعتیں حکومت سازی کےلیے مذاکرات میں مصروف ہیں، ایسے میں صبر و تحمل کا مظاہرہ کیا جائے۔نگراں وزیراعظم نے کہا کہ انتشار پھیلانے والوں سے قانون کے مطابق نمٹا جائے گا،امید ہے حکومت سازی کا عمل افہام و تفہیم سے جلد مکمل ہو گا۔انہوں نے کہا کہ پر تشدد احتجاج سے امن و امان کے سنگین چیلنجز پیدا ہوتے ہیں، انتشار کے ذریعے ملک دشمن قوتیں اپنے ایجنڈے کو آگے بڑھانے کے درپے رہتی ہیں۔
