انتخابات میں جس نے مجھے ووٹ دیا، اس کا اعتماد نہیں توڑوں گا، جہانگیر ترین

ملتان (رپورٹ عدنان قریشی)سربراہ استحکام پاکستان پارٹی جہانگیر خان ترین نے کہا ہے کہ عام انتخابات میں جس نے مجھ پر اعتماد کیا اور ووٹ دیا، میں اس کا اعتماد نہیں توڑوں گا۔ ملتان میں ورکرز کنونشن سے خطاب کرتے ہوئے جہانگیر ترین نے کہا کہ مجھے بڑے عہدے کا شوق نہیں، میرے پاس سب کچھ ہے، میں عوام کی خدمت کرنے آیا ہوں۔انہوں نے کہا کہ جس نے مجھ پر اعتماد کیا اور مجھے ووٹ دیا میں اس کا اعتماد نہیں توڑوں گا۔اپنے امیدوار کی حمایت کرتے ہوئے انہوں نے کہا کہ بابر شاہ ہمارا شیر ہے، اس کی سپورٹ کریں گے، میرا نشان عقاب ہے، اس نشان کو یاد رکھنا ہے۔جہانگیر ترین نے عوام سے کہا کہ 8 فروری کو ہونے والے الیکشن میں شیر اور عقاب کے نشان پر مہر لگائیں۔