کراچی(نمائندہ خصوصی)سابق وفاقی وزیر علی زیدی نے انکشاف کیا کہ منافق بانی پی ٹی آئی کو مخلص لوگوں کے بارے میں جھوٹ بول کر گمراہ کرتے رہے۔سابق وفاقی وزیر نے اپنے بیان میں کہا کہ بانی پی ٹی آئی کو منافقوں نے گھیرے میں لے لیا تھا، یہ لوگ مخلص لوگوں کے بارے میں جھوٹ بول کربانی پی ٹی آئی کو گمراہ کرتے رہے۔علی زیدی نے یہ بھی کہا کہ بعض لوگ بانی پی ٹی آئی سے میٹنگ کروانے کے بھی پیسے پکڑتے تھے، جو آج دیکھ رہے ہیں اس کی پیشگوئی تو پہلے ہی کی جا چکی تھی۔انہوں نے کہا کہ 24 سال جدوجہد کے بعد یہ تماشا خاموشی سے دیکھ رہا ہوں، صبر اور خاموشی ایک نعمت ہے، خاص طور پر اس وقت جب ہنگامہ برپا ہو۔ 
بانی پی ٹی آئی کو منافقوں نے گھیر لیا تھا، وہ انہیں گمراہ کرتے رہے: علی زیدی
بعض لوگ بانی پی ٹی آئی سے میٹنگ کروانے کے بھی پیسے پکڑتے تھے: سابق وفاقی وزیر
