لاہور (نمائندہ خصوصی) مسلم لیگ ن کی چیف آرگنائزر مریم نواز نے باقاعدہ انتخابی مہم شروع کرنے کا اعلان کردیا۔ مسلم لیگ(ن)کی ترجمان مریم اورنگزیب نے کہا ہے کہ سینئر نائب صدر مسلم لیگ(ن)مریم نوازشریف (آج) پیر کو اوکاڑہ کے اقبال سٹیڈیم میں عظیم الشان جلسہ عام سے خطاب کریں گی۔ رہنما ن لیگ کا کہنا تھا کہ جلسہ پاکستان مسلم لیگ(ن)کی انتخابی مہم کے سلسلے کی کڑی ہے، مریم نواز شریف مسلم لیگ ن کے منشور کے اہم نکات پر بات کریں گی۔ ترجمان ن لیگ کا کہنا تھا کہ 8 فروری کوعوام کی فتح اور پاکستان کی ترقی اور خوشحالی کے اچھے دن واپس آئیں گے۔
مسلم لیگ ن کا باقاعدہ انتخابی مہم کااعلان، مریم (آج) اوکاڑہ میں جلسہ کریں گی
