اسلام آباد(نمائندہ خصوصی) سپریم کورٹ تحریک انصاف کے بلے کے نشان کے لیے دائر درخواست پر سماعت کل 10 جنوری کو کر ے گی ۔سپریم کورٹ میں پی ٹی آئی لیول پلیئنگ فیلڈ سے متعلق درخواست کی سماعت کے دوران پی ٹی آئی رہنما حامد خان کو عدالت نے طلب کیا جس پر وہ روسٹرم پر آگئے۔چیف جسٹس نے حامد خان سے پوچھا کہ کیا آپ کی درخواست کل مقرر کردیں؟ اس پر حامد خان نے استدعا کی کہ آج ہی سماعت کیلئے مقرر کردیں۔چیف جسٹس قاضی فائز عیسیٰ نے کہا کہ آج 9 ممبربینچ بھی ہے اور ایک خصوصی بینچ بھی ہے، حامد خان نے کہا کہ ہماری ترجیح آج ہے، نہیں تو پھر پرسوں لگادیں۔چیف جسٹس نے پوچھا کہ آپ فیصلے کےخلاف آئے یا 184/3 کی درخواست ہے؟ حامد خان نے کہا کہ پشاور ہائیکورٹ کے حکم کےخلاف 185/3 میں سپریم کورٹ آئے ہیں۔چیف جسٹس نے کہا کہ بس پھرمعاملہ ججزکمیٹی کے پاس نہیں جانا تو پرسوں کیس مقرر ہوگیا۔بعد ازاں عدالت نے بلے کے نشان کے کیس کو 10 جنوری کو سماعت کے لیے مقرر کردیا۔
پی ٹی آئی کے بلے کے نشان کے کیس کی سماعت کل10جنوری کو ہوگی
بس پھرمعاملہ ججزکمیٹی کے پاس نہیں جانا تو پرسوں کیس مقرر ہوگیا، چیف جسٹس قاضی فائزعیسیٰ
