باجوڑ ( نیوز ڈیسک) سکیورٹی فورسز نے باجوڑ میں پاک افغان بارڈر پر موثر کارروائی کرتے ہوئے افغانستان سے دہشتگردوں کی پاکستان میں داخلے کی کوشش ناکام بنا دی۔پاک فوج کے شعبہ تعلقات عامہ (آئی ایس پی آر) کے مطابق فائرنگ کے شدید تبادلے میں 3 دہشتگرد مارے گئے، مارے گئے دہشتگردوں سے اسلحہ برآمد کرلیا، شمالی وزیرستان کے سرحدی علاقے سپن وام میں سرحد پار سے دہشتگردوں نے فائرنگ کی، دہشت گردوں نے افغان حدود سے پاکستانی بارڈر پوسٹ کو نشانہ بنایا۔ا?ئی ایس پی آر کے مطابق سکیورٹی اہلکاروں کی جوابی کارروائی میں دہشت گردوں کا بھاری جانی نقصان ہوا، نائیک عبدالروف بہادری سے لڑتے ہوئے شہید ہوگئے۔پاک فوج کے شعبہ تعلقات عامہ کے مطابق پاکستان عبوری افغان حکومت سے موثر بارڈر مینجمنٹ کے لئے بارہا معاملہ اٹھا چکا ہے، توقع ہے افغان عبوری حکومت دہشتگردوں کو پاکستان کے خلاف اپنی سرزمین استعمال کرنے کی مزید اجازت نہیں دے گی۔
