بی آر آئی ممالک کیلئے شنگھائی میں ای کامرس پر نیا ایکشن پلان جاری

شنگھائی ( نمائندہ خصوصی)چین میں سلک روڈ ای کامرس کوآپریشن پائلٹ زون سینٹر پڈونگ، شنگھائی میں واقع پاکستانی قومی پویلین کے ڈائریکٹر عقیل احمد چوہدری نے کہا ہے کہ ایک نئے کاروباری ماڈل کے طور پر ‘ سلک روڈ ای کامرس ‘ عالمی صارفین کو اپنی آسان ، موثر اور کم لاگت خصوصیات کے ساتھ سامان اور خدمات فراہم کرتا ہے ، اور ہم باہمی تجارت کو فروغ دینے کے لئے اس کی لہر پر سوار ہونا چاہتے ہیں۔ چائنہ اکنامک نیٹ کے مطابق سلک روڈ ای کامرس کو ایک نئے کاروباری ماڈل کے طور پر فروغ دینے کے اقدام کے طور پر پڈونگ ، شنگھائی کی حکومت نے 14 دسمبر کو باضابطہ طور پر "پڈونگ نیو ایریا میں سلک روڈ ای کامرس کوآپریشن پائلٹ زون کی تعمیر کو آگے بڑھانے کے لئے ایکشن پلان” جاری کیا۔چائنہ اکنامک نیٹ کے مطابق اس اقدام کا مقصد دنیا بھر کے صارفین کو مصنوعات اور خدمات کی متنوع رینج پیش کرنے کے لئے سلک روڈ ای کامرس کی سہولت، کارکردگی اور لاگت کی تاثیر سے فائدہ اٹھانا ہے۔یہ بات قابل ذکر ہے کہ اسٹیٹ کونسل نے 17 اکتوبر کو شنگھائی کو سلک روڈ ای کامرس تعاون کے لئے پائلٹ زون کے طور پر نامزد کیا ہے ، جس کا مقصد بیلٹ اینڈ روڈ انیشی ایٹو کے ساتھ ممالک کے مابین ڈیجیٹل اقتصادی تعاون کو بہتر بنانا ، میکانزم جدت طرازی کو گہرا کرنا اور بین الاقوامی تعاون کو مضبوط بنانا ہے۔گزشتہ ہفتے جاری ہونے والے منصوبے کے مطابق 2025 تک ایک جامع سلک روڈ ای کامرس سروس سسٹم قائم کیا جائے گا۔چائنہ اکنامک نیٹ کے مطابق اس اجلاس میں اعلی معیار کا سلک روڈ ای کامرس کوآپریشن پائلٹ زون سینٹر قائم کرنے اور ای کامرس کے ذریعے بی آر آئی ممالک کے درمیان مزید تجارتی تعاون کی سہولت فراہم کرنے پر توجہ مرکوز کی جائے گی۔چائنہ اکنامک نیٹ کے مطابق مزید برآں ، سلک روڈ کے مزید ای کامرس قومی پویلین کی نقاب کشائی کی جائے گی ، جس میں 2025 تک 20 سے زائد قومی پویلین اور کموڈٹی سینٹرز قائم ہونے کی توقع ہے۔چائنہ اکنامک نیٹ کے مطابق ایک دہائی سے زائد عرصے سے چین میں مقیم عقیل احمد چوہدری نے امید ظاہر کی کہ اس اقدام سے پاکستانی تاجروں اور کاروباری افراد کو کتنے مواقع حاصل ہوں گے۔ انہوں نے اس بات پر زور دیا کہ سلک روڈ ای کامرس کے فوائد کو مزید ترقی کے مواقع فراہم کرنے کے لئے مکمل طور پر بروئے کار لایا جائےگا۔