نیویارک (نمائندہ خصوصی) اقوامِ متحدہ کے سیکرٹری جنرل انتونیو گوتریس نے کہا ہے کہ غزہ میں صرف 75 روز میں اقوامِ متحدہ کے 136 ارکان مارے جاچکے ہیں۔غیرملکی خبررساںادارے کے مطابق ایک بیان میں انتونیو گوتریس نے کہا ہے کہ اقوام متحدہ کی تاریخ میں ایسا کبھی نہیں دیکھا گیا، غزہ میں بہت سے سٹاف ارکان کو گھروں سے جبری انخلاءپر مجبور کیا گیا۔انہوں نے غزہ میں شہریوں کے لیے اپنی جان خطرے میں ڈالنے والے کارکنان کو خراجِ تحسین پیش کیا۔میڈیا رپورٹس کے مطابق غزہ پر 7 اکتوبر سے اب تک اسرائیلی بمباری میں شہید فلسطینیوں کی تعداد 20 ہزار سے تجاوز ہو چکی ہے جبکہ 52 ہزار سے زائد افراد زخمی ہوئے ہیں۔شہید اور زخمی ہونے والے افراد میں زیادہ تعداد بچوں اور خواتین پر مشتمل ہے جبکہ اسرائیلی بربریت کے نتیجے میں لاکھوں افراد بے گھر ہو چکے ہیں۔
غزہ، 75 روزمیں اقوام متحدہ کے 136 ارکان مارے گئے ،انتونیو گوتریس
غزہ میں بہت سے اسٹاف ارکان کو گھروں سے جبری انخلاءپر مجبور کیا گیا
