انتخابات قریب آتے ہی مودی سرکار کے پاکستان مخالف پروپیگنڈے میں اضافہ

اسلام آباد (نمائندہ خصوصی) بھارت میں انتخابات قریب آتے ہی مودی سرکار کے فالس فلیگ آپریشنز اور پاکستان مخالف پروپیگنڈے میں اضافہ ہوگیا۔ رپورٹس کے مطابق بھارت نے لائن آف کنٹرول سے 20 کلومیٹر اندر کے علاقے سرن کوٹ ضلع پونچھ میں بھارتی فوجی قافلے پر حملے کا الزام بھی بغیر ثبوت پاکستان پر لگا دیا۔ مودی سرکار رواں سال کئی فالس فلیگ آپریشن کر چکی ہے، تاکہ پاکستان مخالف جذبات ابھار کر انتخابات میں ہمدردی حاصل کرسکے۔ 5 اکتوبر کو بھارتی میڈیا نے راجوڑی حملے میں پاکستان پر الزام لگایا، درحقیقت وہاں ایک بھارتی میجر نے فائرنگ کر کے 5 بھارتی فوجی ہلاک کیے تھے۔ اپریل میں بھٹنڈہ کے واقعے کو دہشت گردی قرار دے کر الزام پاکستان پر لگایا گیا، پھر پتا چلا کہ ایک بھارتی فوجی نے جنسی زیادتی سے تنگ آ کر اپنے ہی 4 ساتھیوں کو مار ڈالا تھا۔ تجزیہ کاروں کے مطابق حالیہ بھارتی پروپیگنڈا آرمی چیف کے کامیاب دورہ امریکا کو متاثر کرنے کی مذموم سازش ہو سکتی ہے۔